CANZONI FIUMANE
DIME RITA (1906)
GAVEMO L’AQUILA (1908)
LA XE CUSSI (1910)
DIFENDELA (1913)
EL TRICOLOR (1923)
EL MIO GIARDIN (1911)
LA MIA PERLA (1899)
SON TABACHINA (1907)
TRAM FIUMAN (1907)
CHI SEMO NOI (1910)
NINNA NANNA NOSTALGICA (1956)
VIVA S. VITO - INNO CIVICO POPOLARE (1901)
EL MIO FIOR (1901)
SANGUE FIUMAN (1904)
SORA EL QUARNERO (1904)
COR DE PLEBE (1905)
INDEFICIENTER (1907)
LA SARTINA (1908)
LA TABACCHINA (1909)
CIARO E SCURO (1910)
BACOLI (1910)
LA MARGHERITA (1910)
LE BELLE SARTORELLE FIUMANE (1892)
ANDEMO AL COMUNAL (1897)
LETTERA A FIUME (1956)
DIME RITA (1906)
(Grazie alle correzioni del cyberamanuense Furio Percovich)
AUDIO (completo): DIME RITA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Quando argento zo piove la luna
sora i tremuli flutti del mar,
e che tutta de stele la bruna
quieta note se vede brilar.
Quando soto el soriso del cielo
che l'inverno non riva imbrociar,
se distende un bel candido velo
zo dai monti a la riva del mar.
Quando spiega la nostra bandiera
dala Tore el suo bel Tricolor,
che xe prova de fede sincera
che ne stringe in un patto d'amor.
(Ritornello)
Dime Rita, no xe una beleza
el Quarnero e un amor, un incanto,
che te sveia nel seno un'ebrezza
che dal cor te fa scioglier un canto?
Cantime Rita, cantime bela,
nela soave, dolce favella
che xe l'orgoglio de ogni Fiuman,
cantime Rita in Italian !
********
GAVEMO L’AQUILA (1908)
(Grazie alle correzioni del cyberamanuense Furio Percovich)
AUDIO (completo): GAVEMO L'AQUILA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Gavemo l'Aquila
lá su la Tore,
che le signore
gá regalá .
Gloriosa e splendida,
con l'ala tesa
pronta a difesa
dela zitá.
Coi oci ardenti
maestosa e altera
se impone fiera
sopra el stranier.
Custode vigile
del nostro idioma
la mira Roma
oltre el Quarner !
O grande Aquila
un patrio afeto,
palpita in peto
d'ogni Fiuman !
E dighe ai popoli
anche lontani
che quá i Fiumani
parla Italian !
********
LA XE CUSSI (1910)
AUDIO (completo): LA XE CUSSI'
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Lassè che i... stupidi
Pianti tabele
Per dir che Fiume
No ne apartien,
tuto xe inutile!...
Sconder le stele
Non se pol miga,
Capirè ben!
Che zighi e brontoli
Pur el governo
Che ‘l ne combata
Come ghe par.
Magari i fulmini
Del padre eterno
A casa propria
Se pol sfidar!
Fiume xe nostra,
credeme fioi,
la piazza Dante
parla per noi.
E se per caso
Non la capì
Nessun ga colpa:
la xe cussì.
********
DIFENDELA (1913)
AUDIO (completo): DIFENDELA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Semo fioi de questa tera,
nati all’ombra de San Vito,
questa lingua con diritto
se la femo rispetar.
E se poi questa bandiera
A qualcun ghe xe molesta,
che '1 se levi pur de testa
de volerla profanar!
Se gavemo 'n do contrasti
Sempre quei però restemo
Tra fradei no ghe bademo
A ste piccole quistion.
Ma se inveze zerti impiastri
Qua caladi cola bora,
tenta ciorne la parola,
che le demo per da bon!
Questa case e sti giardini,
sto bel ciel, la piaza Dante,
Ste contrade tute quante,
le xe nostre fin al mar,
rassegneve moscardini
che italiani moriremo,
vecio simbolo gavemo,
sto glorioso Arco roman!
Difendela, difendela
Questa lingua come el pan.
Perché Fiume la xe bela
Fin che tuto xe italian!
********
EL TRICOLOR - SIAMO UN FASCIO DI ITALIANI (1923)
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Semo un fascio de italiani
Degni fioi de questa tera,
dove sbate la bandiera
che ne stava sempre in cor!
La bandiera che i fiumani
Ga piantado s'b'n San Vito,
con la forza del dirito,
con speranza, fede e amor!
Sangue nostro ga bagnado
queste strade e sti confini
che DAnnunzio e legionari
alla Patria ga salvà.
El foresto, calpestado
Ga fin tropo questa tera,
mal xe andado
e sta bandiera
più nissun la calarà.
Sbati, sfida vento e piova
benedeto tricolor,
porta a Fiume vita nuova
porta sempre novo ardor!
********
EL MIO GIARDIN (1911)
AUDIO (completo): EL MIO GIARDIN
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Nel giardini dove son nata,
nasce '1 bianco fiordaliso
e le fragole fra l'erba,
come fosse un paradiso.
La mia lingua xe italiana,
tuta basi e legiadria
col'accento suo gentile,
le xe proprio un'armonia.
Se parlar podesse i fior
Altra lingua no’i vorìa,
chè più dolce no'trovasse
né più cara de la mia.
Xe quel "SI" soave tanto
Come un boccolo de rosa,
voio dirla fin che moro
questa nota deliziosa.
Una lingua così bela
Mamma mia me ga insegnà
Per cantar de la mia patria
Le sue glorie d'ogni età.
********
LA MIA PERLA (1899)
AUDIO (completo): LA MIA PERLA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Mi proprio per sta perla
Ve digo, vado matto,
la festa per vederla
me tiro su a Tersato.
Se sente le campane
Del Domo e del San Vito,
in fondo al mar lontane
do barche fila drito...
Xe un quadro, un panorama
El monte, el ciel, el mar.
Dizeme, chi no l'ama
sta tera e sto Quarnar.
Xe un quadro,
ze un incanto
Veder el mar, el pian.
E cola tosa intanto
cantemo in italian.
Cantemo quei bei canti
Che i veci n'à insegnà,
che avemo in cor costanti
che i fioi ne cantarà.
Mi adoro questa Perla
Bagnada dal Quarner,
la festa, per vederla
me tiro al Belveder,
e de lassù la vardo
con ocio inamorà:
Quel ciel no xe bugiardo,
nessun lo cambierà.
Co la morosa al fianco
Pieni de bon umor,
sentadi là s'un banco
se ciacola d'amor...
********
SON TABACHINA (1907)
AUDIO (completo): SON TABACHINA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Son fiumana tabacchina
E me piase el mio mestier
Ma el lavor de spagnoleti
No xe solo el mio pensier...
Mi so ben che non son bruta
E me piase far l'amore,
mi me piasi i mustacceti
che fa batere el mio cor.
Sarò rozza e senza scola
Ma una lingua so parlar,
quela nostra, quela sola
che fa ognuno inamorare.
Son modesta e povereta
E me lasso corteggiar
Da bei cocoli spuzeti
Che i promete el monte e mar.
Mando al diavolo, all'inferno
Ne ghe posso perdonar,
Chi che brama, chi che tenta
La mia lingua e bistradar.
Sarò rozza e senza scola
Ma una lingua so parlar,
quela nostra, quela sola
che fa ognuno inamorar.
Son prudente e giudiziosa
e non voio in tram andar,
mi go cara la mia vita
che non posso assicurar.
Son fiumana e birichina
e me godo nel scottar
che l’abuso e la violenza
andrà presto a terminar.
Sarò rozza e senza scola
Ma una lingua so parlar,
quela nostra, quela sola
che fa ognuno inamorar.
********
TRAM FIUMAN (1907)
AUDIO IN (erroneamente denominato L'aquila):
www.leganazionale.it/fiume/fiume.htm(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Nineta, ascoltime
no aver paura,
nel tram, sicura
ti pol andar.
I antichi scrupoli
lassa da parte,
le vecie carte,
se pol sbregar.
El sol medesimo,
col suo bel ragio,
ghe da coragio,
ghe da morbin.
Ogi sto tranvai
Xe nostro amico
E 1 ódio antico
Deve aver fin.
Nel tram autonomo,
ve assai più gente,
e la corente
no ferma più
Nineta, guardilo
Come che ‘l cori.
Poveri e siori,
fila con lu.
El tram elettrico
No l'xe più un mostro
Ogi, el xe nostro,
Tuto fiuman
Ogi, el va libero
Senza più intoppi
Dal ponte ai Pioppi,
Col suo: dan, dan.
********
CHI SEMO NOI (1910)
AUDIO (completo): CHI SEMO NOI
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
L'Arco, le lapidi
de zita vecia
(zerti no sente
de questa recia)
xe sacre pagine
de storia nostra,
che le dimostra
chi semo noi.
E la divina musica
del nostro bel dialetto
la dixe ciaro e neto
sta grande verità!
Simili pagine,
no ghe xe verso,
no se sbagazza,
xe un tempo perso...
Le sfida i secoli
Per dighe tondo
A tuto el mondo
Chi semo noi.
E ‘l ciel, el nostro limpido
cielo, che par d'Oriente
cossa... no dixe niente
per noi, per la città?
E quando i popoli
tuti se inchina
a sta superba
stirpe latina
pol la politica
(penseghe fioi!)
dirne... che noi
non semo noi?
Chi semo? Fin lo mormora
El nostro bel Quarnero:
Cascasse, ‘l mondo intiero
Nessun ne cambierà!
********
NINNA NANNA NOSTALGICA (1956)
AUDIO (completo): NINNA NANNA NOSTALGICA
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Là nell’Australia mentre tutto tace,
una mammina veglia il suo piccino,
egli non dorme ancora e in quella pace,
la ninna nanna canta a lui così…
Se ti farà la nanna,
e ti me dà la man,
te porterà la mamma,
lontan lontan lontan!
Xe la zità più bela,
col suo celeste mar,
xe Fiume tanto cara,
d’improvviso la te appar…
Bianco un vol
va dal Porto al sol,
e la cripta de Cosala,
se ghe unissi quasi al ciel…
Bambin,
xe Fiume nostra,
sta splendida zità,
xe Fiume tanto bela
che devi sempre amar!
********
VIVA S. VITO - INNO CIVICO POPOLARE (1901)
Viva San Vito! Echeggino
giulivi i nostri canti;
Fiume per i suoi Santi
serba alto affetto in cor.
Per Essi, amanti e vigili
del nostro gentil nido,
splende dal colle al lido
la Perla del Quarner.
Sangue dei nostri martiri,
caldo su noi discendi
nei petti nostri accendi
di patria il sacro ardor.
Vito e Modesto
trofei di gloria,
di nostra storia
vanto e splendori
protetta all'egida
del Vostro nume,
la nostra Fiume
s'eternerà.
********
EL MIO FIOR (1901)
Co la bianca coroncina,
su la testa bionda d'oro.
Ti par proprio 'na regina,
ti tra i fiori el più gentil.
Col to aspetto za ti porti.
El contento, l’alegrezza,
col to nome ti conforti
d’aver fede nel destin!
Le putele a ti le afida
L’ansie e i palpiti del cor,
le te interroga e confida
in segreto el loro amor.
E nei zorni po de festa,
co le vol parer più bele
le se adorna el sen. la testa
co ti, caro fior gentil.
E i tosati su l’ochielo
i te porta come emblema
perché ti fra i fior ti xe quelo
Che più forte parla al cor.
No ghè simbolo più puro
Più simpatico, eloquente,
No legame più sicuro
Per chi dixe el dolce sì!
E per questo mi te adoro
Fior gentil, grazioso e caro;
co riposo e co lavoro
qua te tengo sora el sen
perché sapia el mondo intero,
che anca qua, su questi lidi,
proprio in fondo a sto Quanero,
no se parla che italiani
Ti xe el fior della mia vita
To, nà un baso, caro fior.
********
SANGUE FIUMAN (1904)
Son fiumana sangue puro
Son mattona de cor bon
Ma ai sfazadi muso duro
So mostrar. se go ragion.
E no voio un signorotto
Che per mi no va lo so
Ben per questo ciaro e neto
Mi in fiuman ghe digo "ai no".
Son fiumana e no m'importa
S ánca lussi mi no go
No son gobba, no son storta
Dunque sposo trovarò.
Ma no voio un signoreto
Che per mi no va lo so
Ben per questo ciaro e neto
Mi in fiuman ghe digo "ai no".
Son fiumana me ne vanto
Carneval me voio spassar
Divertirme tanto e tanto
E più d'un far bazilar.
Ma no voio un signorotto
Che per mi no va lo so
Ben per questo ciaro e neto
Mi in fiuman ghe digo "ai no".
Sonn fiumana e la mia Fiume
Più che tuto voio amar
Mi l'adoro come un nume
Col suo Corso, tore e mar.
Ma no voio un signorotto
Che per mi no va lo so
Ben per questo ciaro e neto
Mi in fiuman ghe digo "ai no"
Son fiumana e dunque fina
Scegliarò come convien
Esser voio la sposina
D'un che m ábbia voler ben.
Ma no voio un signorotto
Che per mi no va lo so
Ben per questo ciaro e neto
Mi in fiuman ghe digo "ai no".
Son fiuman e ja no più
Che un par mio voio trovar
Che da Fiume el sia anca lu
Ch él sia bon de lavorar.
Mi no voio un signoreto
Ecco quel che voio mi
Solo a un tal mi ciaro e neto
Che dirò in fiuman "ai no".
********
SORA EL QUARNERO (1904)
Che gusto con Nineta
Sbrissar fra zielo e mare
E sora l'acqua queta
Liberi smorosare.
Che gusto, la no visti
Zurarse eterno amore,
senza pensieri tristi
senza dolori in core.
Vien, Nina el sol se sconde
Sirio za sluse in zielo,
vien, che lù, sora l’onde
tuto me par più belo.
Vien comi bela bruna
Sul mar a spasizare
Che al chiaro de la luna
Za se inarzenta el mare.
Eco la luna sluse
Sul nostro bel Quarnero
Mille armonie confuse
Va fino al Gran Caldiero
Nu'ziti se basemo
E Bepo no'fa casi,
se fra el rumor del remo
el sente i nostri basi.
Xe nata la mia Nina
Da la schiuma del mar...
E ghe ga dà un ondina
La boca per basar.
********
COR DE PLEBE (1905)
AUDIO (completo): COR DE PLEBE - 1905
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Go quatro strazze e un cor
Che fa, tic, tac, in sen.
Me piase far l'amor
E balo ben.
Voio qualche moscardin
Me spasso el Carneval
Ciassando con morbin
Al Comunal.
Son nata a San Micel
El sangue go fiuman
Me piase el mare, el ciel,
l’Arco Roman.
Ze più che natural.
Se proprio noi i me va
Quei che vol far del mal.
A sta cità!
Con Toni el barcarol
Andar bel in mar,
quando tramonta el sol
a smorosar!
E la lontan, lontan...
Sora el so cor posar,
La bionda testa pian
E poi sognar!
Soto la mascara
Rido de cor
Ziveto, circolo
E giuro amor!
********
INDEFICIENTER (1907)
Da tanto tempo - là sula tore
Ghe stava el stemma - de la cità,
Ma un bruto giorno - non se sa come,
via dela tore - el xe svolà!
Qualchedun dise - che certi Siori
De far un tanto - lo ga obligà.
Altri poi dise - che l'era vecio
E presto in tochi - sarìa andà
E che in museo - el dorme in paxe
El suo riposo - ben merità,
Che sula zima - de quela tore
L'indeficienter - mai più sarà!
Ve garantisco - care putele
Tanta malora -poi non sarà,
Le nostre siore - Fiumane bone,
a un novo stemma - ga za pensà!
Lassè che i dighi - e pur che i ciacoli
Che un nuovo stemma - no se farà...
Non più de fero - ma d'alluminio
Cambiadi i tempi -gusto cambià!
oggi un governo -' doman un altro,
per questo el mondo - non finirà.
Lassè che i dighi - e pur che i circoli
Che veri autonomi -più non sarà...
Non steghe creder - xe tutte flocce
L'aquila nostra - ritornerà!
********
LA SARTINA (1908)
Su e zo pel Corso - elegantina
Come una stela - come un amor!
Fingendo furba -poca atenzion
Ai mile sguardi - d'amirazion
E seria seria - la passa avanti
Giustando un nastro - metendo i guanti,
Tutta al moda - sempre un splendor
Come una stela - come un amor!
Quando a la banda - la va de festa
Un fioco rosso - la mete in testa
Cravatta giala cotòlo blù
E la bandiera - xe fata su!
E cola parla - el suo dialetto
La par davvero - un angioletto.
Tuti la stima -per oro bon,
la xe una rosa - la xe un bombon!
La sartina co la lavora
La se punge su la man,
quel bel sangue che ghe core
tutto sangue xe fiuman
********
LA TABACCHINA (1909)
De mestier son tabachina
Poverina e laboriosa
Ma la vita assai noiosa
Me la sento al imbrunir.
De matino fino a sera
Me sacrifico la vita
Per alogiar in una sofita
Quel xe tuto el mio gioir.
Co sona la campana
Me levo el traverson,
la scufia camufada
la buto in un canton!
********
CIARO E SCURO (1910)
Moreta, vestite la blusa nova,
vien su a Drenova, che xe bon vin
Su, l’aria libera respiraremo
E canteremo con gran morbin.
Da quela splendida alta colina
La vista core lontan sul mar...
Xe un quadro magico, quando che inclina
El sol al monte tramontar.
La luze elettrica, viva brilante,
in piazza Dante, fa ciaro assai...
su ghe xe, credime, ferai e tanti
Ma... tuti quanti xe dismorzai.
E per due anime inamorade,
non val le strade con gran ciaror,
moreta, fidite, col cor sicuro,
che gol el scuro per far l'amor.
********
BACOLI (1910)
Son fiuman e me ne vanto,
Parlo e canto in italiani
ma son come siora Beta:
lingua scieta e cuor in man.
E ghe rido in muso a tanti
Sempre in guanti e in ocialin
Che sta Fiume i se spartisse,
se capisse... a tavolini
Co li sento: zigo Bacoli!
Son fiuman e fiuman resto
Lasse pur fioi mii che i ciacoli
De cambiarne in quel o in questo.
E dixeghe a quei che critica:
Go nel cor sto mar, sto ciel.
no xe barba de politica
Che me fazzi cambiar pel!
Za savè che certi mati
Vol croati, anche i ferrai
E che altri sto paese
Fa ungarese... sui giornai.
Ma lassè che i fazzi gheto,
finché in petto batte un cor.
I starà disendo: Foia...
Co la voia... e col brusor!
********
LA MARGHERITA (1910)
Gigeta! Guardilo sto bel fioreto,
che go raccolto proprio per ti;
da brava spuntilo svelta sul petto
Sto fior xe simbolo sacro del "Si".
El nome magico de Margherita
Sta in fondo l'anima d'ogni fiuman;
xe un nome simbolo de luce e vita
dove la gente parla italiani
Gigeta, puntila svelta sul peto
Sta Margherita, sto caro fior;
per pegno, tegnilo, nel nostro afetto
del nostro tenero, sincero amor.
Sto fior, a l'anima, te parla tante
Belezze tenere, piene de amor,
sto fior, l'idioma sacro de Dante
Te parla a l'anima, te parla al cor.
********
LE BELLE SARTORELLE FIUMANE (1892)
AUDIO (completo): LE BELLE SARTORELLE - 1892
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Quando che vado in Corso
No so dove guardar:
Ghe xe quei bei visetti
Che me fa bazilar.
Belle le xe e modeste
Tutti le sta a guardar,
ed elle serie, serie
le va senza badar.
Le xe gentili e care,
Le guarda el proprio onor
Ghe piasi a far figura
Coi frutti de lavor.
Le nostre sartorelle
Finìo de lavorar
Le gira un poco in Corso
Il fresco a respirar.
Viva le sartorelle,
Fiori del nostro mar,
Tutti per loro spasima
Nessun le pol toccar.
Le xe gentili e care,
Le guarda el proprio onor
Ghe piasi a far figura
Coi frutti de lavor.
********
ANDEMO AL COMUNAL (1897)
AUDIO (completo): ANDEMO AL COMUNAL - 1897
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
Senti Nineta cocola
L'amor ze una gran cosa,
el smagna, l'scalda 7 stuziga
in sin che se se sposa.
Sposarse, Maria Vergine,
la xe una bruta cosa.
Lassa da parte i scrupoli
E vien con mi a balar,
sì lassa da parte i scrupoli
e andemo al Comunal!
Al Comunal se tran
la la la la
Vien con mi al Comunal...
E se to mare brontola
No staghe sa badar,
dighe che el tempo passa
ma che nol sa tornar.
Dighe che tuto un anno
Xe solo un carneval.
Lassa da parte i scrupoli,
e vien con mi a balar,
sì lassa da parte i scrupoli
e andemo al Comunal.
Al Comunal se tran
la la la la
Vien con mi al Comunal...
********
LETTERA A FIUME (1956)
AUDIO (completo): LETTERA A FIUME - 1956
(2004: tratto da RACCOLTA CANTI POPOLARI FIUMANI. E' possibile procurarsi il CD completo di 35 canzoni, presso la Lega Nazionale -Sez. di Fiume-, Via Donota 2, 34121 TRIESTE, Telefono-fax 040365343. Email:
[email protected])
O cara Fiume mia che sei lontana
Ti scrivo questa breve letterina,
e mentre scrivo mi trema un po' la mano,
pensando a te che sola
sperduta in altro cielo
ti trovi ancor perché?
Ho preso dieci al tema stamattìna,
e il tema non parlava che di te...
Leggendolo commossa la maestrina
Piangeva insieme a me...
Tu puoi comprender
Il grande mio dolor...
Io piango nel pensare che tu,
non puoi tornare nel Patrio suol...
Mi devi credere, la notte sogno te...
mi sveglio e un tuo quadretto
rivedo accanto al letto, vicino a me...
Stenda il buon Dio la Sua mano
dal Golfo al Carnaro
e ti protegga ognor...
Voglia che queste parole
le possa esaudire
dal Regno Suo d'amor...
Non so più viver e tu lo sai perché...
E’ triste attendere...
Ma il mio cuore d'italiana
che vuol tanto bene a te,
sa che un’ora non lontana
sarai nostra, nostra ancor!
Han detto il mio papà e la mammina
Che un giorno torneremo in quella casa
E compreranno per me che son piccina,
fra tante cose belle,
la bambola più bella
col nastro tricolor...
Ma se domani mi daranno a scuola
Un tema sul ritorno alla realtà
Di quel gran giorno ancora
la tua figliola Parlare non potrà...
Tu puoi comprender
Il grande mio dolor...
Io piango nel pensare che tu,
non puoi tornare nel Patrio suol...
Mi devi credere, la notte sogno te...
mi sveglio e un tuo quadretto
rivedo accanto al letto, vicino a me...
Stenda il buon Dio la Sua mano
dal Golfo al Carnaro
e ti protegga ognor...
Voglia che queste parole
le possa esaudire
dal Regno Suo d'amor...
Non so più viver e tu lo sai perché...
E’ triste attendere...
Ma il mio cuore d'italiana
che vuol tanto bene a te,
sa che un’ora non lontana
sarai nostra, nostra ancor!
O Fiume mia
i tuoi fratelli ancora ti salutano
e pregano il Signore
che vegli sulla tua felicità...
per ascoltare l'audio andare sul link
www.italia-rsi.org/cantiitalia/cantitnordecentro.htm#fiumane
